تقشبر الاسماء

لا أدرى لماذا يستخدم آباؤنا وأمهاتنا وأمهات أمهاتنا وأمهات آبائنا (يعنى حبوباتنا) ، لا أدرى لماذا يستخدمون حرفى ال(قاف) و (الشين) ويحشرونها فى أسماءنا ، عندما يغضبون منا .. تلقى الأم لو زعلت منك ولا إغتاظت تناديك تعال هنا يا أبوقشر (أبوبكر) .. من منكم يعرف سر إلتقاء هذين الحرفين فى حالة الغضب والغيظ عند الوالدين والحبوبتين ؟؟ .. ويمكن ضرب بعض الأمثلة هنا بأسماء لبعض أعضاء المنتدى بعد تقشيرها :
قشرنات محمد صالح
انقشار عباس
قشرة اشقر
قاشر محمد نعيم
يلا بالله كده قشروا باقي الاسامي ...

سلامات ياإعتزاز ... حاولتا أقشرر بعض الاسماء لكن ماظبطت ... شكلو التقشير ذاتو كان عندو اسس ومفاهيم عند حبوباتنا .. لكن انا بتذكر حبوبتي عائشة محمد أحمد دفع السيد كانت بتقول لي ياقشر تعال هني ...
تحياتي واحتراماتي ,,,

سلاماات اهلي الحنان بلحيل
يااقشرار محمد صالح اقصد قشرنات ده دلع علي هيئة زجر وعندو اوجه كتيره ذى زفتنات محمد صالح ودى مصدره زفت طبعا
يلا بلاهى قشري اسمى في المنتدى ده وتبقى بالجد تربية حبوبات

قشرنات الشئ دا جبتي من وين عجبني شديد لكن إنت إسمك دا بيجي قشرنات لكن ولا إقتشار غايتو ريحة الجروف دي قشرة الجروف

سبحان الله كل شئ اطور فى زماننا هذا فصار يقال للانسان الانيق والمهندم قاشر وصارت لها مدلول على العز والترف حينما يقال فلان قاشر قاشرة

وفلانة قاشرة قشرة

طبعا اعتزاز ودفعته كانوا بنادوهم بالاسماء دي بعد ما وجعوا القلب هاردوا الفشاش لي حبوباتهم وامهاتهم والجيران اصابهم بعض الاذى الجثيم

والله عفيت منك يا لوله

لوله دي اخر العنقود عند اعتزاز