قندول لكل مسطول

:مسطول سالؤهو قال ليهو آلتعاسة معناهآ شنو قال ليهم تكون رآكب حآفلة كلها بنات سمحات فجاة يحصل حآدث تلقآ نفسك فى حضن السواق

اقوال مسطول مهندس

لا تنتظر الاهتمام من شخص معين
:
:
:
:
...:
:
:
:
:
:
:
:
بل انتظره من شخص مثلث او مربع او مستطيل أو شبه منحرف
ما معروف الخير بيجي من وين

واحد مسطول سطله شديده سمع المعلق بقول فاول لصالح رونالدو قال اول مرة اعرف انو رونالدو عندو ولد اسمو صالح

واحد مسطول دخل الصيدلية يشتري جبنة حاول الصيدلي يفهموا الجبنة مابتنباع هنا بعد شويه جاء مسطول تاني فالصيدلي قالي فهم صاحبك ده انو مافي جبنة بتنباع هنا : قال يا اخينا سيبك منو دا غبي ساي ح يأخرني هأك اديني باردة وسجارتين

واحد من المساطيل متعود يمشي جنب البحر يدخن سجارتو ...
ومتعود يشيل صديقه الفار في جيبه ؟
في السكه صادف ليهو بنت جميله قام شاغلا ...
البت زعلت قالت ليهو بكلم ليك ابوي ؟؟واخوي :::
الفار طلع راسو من الجيب وقال ليها لو عندكم كديس برضو كليمهو

رباطابية بتبيع زلابية وطعمية للركاب في محطة ابوحمد بعدين الايام ديك شغلو القطر الاكسبرس وكان ما بيقيف في اي محطة المهم القطر جا ماشي فيها فووووو وماباعت اي حاجة وقامت رجعت البيت قام راجلها قال ليها انشاء الله بعتي كويس الليلة؟؟
قالت ليهو- ابيع كيف والقطر جا ماشي فيني زي ترجمة الفلم الاجنبي

شايقية ورباطابية راكبات الحافلة ماشات بكا .. الشايقية طقطقت للكمساري ونزلت، الرباطابية اتأخرت.. الكمساري قال ليها: نازلة؟ قالت ليه : لا.. لا.. بدور اقدمها للباب!!

قالوا رباطابي قاعد في مطعم وجنبو زول احوص, الرباطابي طالب كباب والجنبو طالب فول, اها قام الجنبو كل شوية ياكل من الكباب بتاعو "نظام احوص وكدة". الرباطابي اتغاظ شديد قام قال ليهو : عرفناك ما بتشوف, كمان ما بتضوق؟؟؟؟

واحدة حنكوشة دخلت مطعم قراصة صاحبو رباطابى ... قالت ليه ياعمو عليك الله ادينى سندوتش

قاليها يابتى عندنا قراصة كان دايرة سندوتش جيبى ابرة وخيط

الرباطابى والجعلى مسافرين سوا الموية العندهم كمل قوم يالجعلى انزل فى الواطة حفر، الرباطابى مشى جاب ليهو سعف وقعد يضفر فيهو اها الجعلى كمل الحفر والموية مرقت صاحبنا الرباطابى نزل جردلو فى البير، الجعلى مسك ايدو، الرباطابى قال ليهو : هسى ايدى مسكتها وجردلي حميتنى انزلو ، الليلة بيرك دى الا كان تتكيها!!!

رباطابي مره بي جماعه من اهلنا الهدندوة بشربو في قهوة
وكانوا لابسين لبستم المعروفة الواحد يكون لابس سروال طويل
وباقي جسمو عريان ورابط العمه خلف خلاف
الرباطابي قاليهم يا اخوانا داير لي فنجان جنبنة
نط واحد من الهدندوة قاليهو ياخي انتو سحارين ما بنديك جبنه
الرباطابي قاليهو عليك الله انت هسي يسحرو ليك شنو زي الفانوس القزازتو مكسرة كده

رباطابى صلى الجمعة فى مسجد أنصار السنة الإمام قال السلام عليكم مد يدو للزول الفى يمينو قال ليهو: تقبل الله أنصارالسنة رفض يمد يدو و قال ليهو : دى ماورد فيها نص، الرباطابى قال ليهو : نان الإحراج ورد فيهو نص؟؟

حمار اتعود يحك راسو بشباك فصل في مدرسة .. الاستاذ قال لي الطلبة: الحمار ده كل يوم بعمل كده عندو ود عم هنا ولا شنو؟
رد عليهو تلميذ رباطابي: والله ما بجي إلا في حصتك يا أستاذ..!!

رباطابي في عزومة عرس لاحظ انو في زول نائم نومة عميقة جدا ... بس في اللحظة الختو صينية الاكل عمك تترب صحي وابتداء يلقلق ... الرباطابي قال ليهم : انتو زولكم دا كاتو خاتنو في الشاحن ..

رباطابي كان بيصلي في الحرم,, سلم يمين جنبو سوداني,, سلم يسار جنبو سوداني,, قال ليهو حرما" قام الرباطابي قال ليهو ودا كان ميدان كوره.

استاذ انتحر ليه؟
قال لـمسطول:
.
.
.
... ....
....
.
.
.
.؟

مين آبن ســيِنآ ؟؟.............قآل آلمسطول : آخو جونْ سينا

مسطول انقذ واحد غرقان ادوه وسام شجاعة وقالو له : بس للاسف الراجل انتحر شنقا ، المسطول قاليهم : لا انا علقته عشان ينشف

نصيحة مسطول:
.رضا الوالدين أحسن من امك و أبوك

حرامى مسلح دخل بنك وسرق الفلوس والمجوهرات اللى فيه

وقبل ما يمشى

سأل زبون واقف وقاله انت شوفتنى وانا بسرق؟
... .........
قاله ايوة شوفتك

فراح ضربه بالنار موته

عاين لواحد تانى مسطول واقف هو ومراته وساله

انت شوفتنى وانا بسرق؟

قاله لا ماشوفتك

بس مرتى دي شافتك.

مدرب يسأل لاعب مسطول في كم مره تقدر تلف الملعب قاله في سجارتين

مساطيل سمعو عن المخطط الصهيوني قدمو لشراء اراضي فيه

مسطول قال لي زوجته وهو قرفان منها
اسمعي يامره انا لو جيت لقيتك راقده ولا واقفة ولا قاعدة طلقانة
مشي وجاء لقاها بتنطط

مسطول ما قاعد يصوم نهائي يوم نام وصحا تاني يوم مشى لي مرتو قال ليها ما صحيتيني لي السحور ليه، قالت ليهو انت صيام ما بتصوم، قال ليها يعني لا نصوم ولا نتسحر خلاص بقينا كفار للدرجه دي

مسطول ما قاعد يصوم نهائي يوم نام وصحا تاني يوم مشى لي مرتو قال ليها ما صحيتيني لي السحور ليه، قالت ليهو انت صيام ما بتصوم، قال ليها يعني لا نصوم ولا نتسحر خلاص بقينا كفار للدرجه دي