أمونة.....

أمونة


كلمات والحان - ايوب محمد الحاج
غناء - المرحوم - سيف الاراك

ما داير غيبتك انتي لانها مره وصعيبه
دايرك بس دوام جنبي عشان اخلاقك عجيبه
اريدك ليا امونه
------------
انتي غيبتك صعبة عليا في الجوف ولع لهيبه
غلبني وحاتك اتصبر بقيت في حالات غريبه
حياتي انا بيكي مرهونه
--------------
بدس نارك في حشايا وانتي بعيده وقريبه
وانتي معاي اصبح امسي مكان العين جم سبيبه
روحتي انا فيكي ممكونه
----------------
خصالك مافي تب في زول ولا تاني الكون بجيبه
شبيهة الحور في جنانه رزانه وحشمه واديبه
حلات السمره في لونه
-----------
بقيت ليلي نهاري دايح اهاتي وافتش دريبه
حليلي اسوي وين راحت اله الكون لي يجيبه
انا المن بدري مجنونه
------------
متين بتعودي يا السمحه تنوري دارنا الكئيبه
عشان نرقص من الفرحه وخلاص الاحزان نسيبه
صحيح ما ببقى من دونه
-------------