حميد عرفة والشايقي السرقوا ملاياتو

من طرف **وسام الطيب** الخميس مارس 10, 2011 1:27 pm

يعيقك الله يا مجرم وكيف هسي تصدقني
تسرقك بطنك انشاء الله وتخليك ديمه متألم
حضير انشاء الله يبراك وفلساً للجيوب يخدم
والعطش البحرق الجوف يخلي الفقراء قايمه وقاعده فيك تعزم

تعيقني انا...
يعيقك الله يا مجرم بمدفع كلاشنكوف يواليك في المسيمع عدل يخليك لا سمع لاشوف
يجيك عميل من السوفيت مرسلو ليك كورباتشوف شايل حقنه حارقه معاهو يحرق ليك قلبك وكبدك حتى المعدة والشارشوف
تعيقني انا...
يمين بالله لو سألوك نان عميان من الاسواق ؟
تسوق اروتي في ساقيه تورها يقطع الخناق
تسوقك لك داف تدقشه تريلا في عقبه يخليك لا ضهر لا ساق
نان بالله لو سألوك ما تعرف القروش بي وين !!
ناس بانين عمارات كيف وناس راحات وناس تخزين!!
حكمت تجيني انا المسكين البلقط بي قرش وقرشين
تقرشك عقرباً تلقاك فوق الريق يكون جسمك مرطب تب
تقرشك سموم الصيف تخلي وشيك قايم حب
قرشاً يبلعك يزرع يلف بجده والصومال يجيبك لينا تاني هنا يرميك في الرصيف بي جاي يسلب لحمك الفوقك يخليك بس عضام وعصب
تعيقني انا...
تطرشق لي برنامج اخطط فيهو لي سنين!!
يطرشق فيك كمبرسون يخليك انت بس ساردين
ويطرشق فيك بوتجازاًيكون جنبك صفيح بنزين
وترقد ما نشوفلنا زول يقولنا ماشي في تحسين
تعيقني انا....
كمان تسرق ملاياتي ؟؟؟؟ المن كيسها ماانفكت ولا عارف نقوشن كيف !
يفكك مننا الله اليوم قبل باكر يخليك لافي صيف وخريف
يفك ضلعك تفارق عقلك تسق الماشي فوق عدلك زي جملاً عشاهو الزيف
نفسك فاااااااااتحه ترقد فوق ملاياتي؟؟؟
ترقد يابا في عنبر نصيحو يشابي كايس ايدو
ترقد يابا في قبرا ًاعوذ ربي من هولو وعذاب سيدو
ترقد يابا في غرفه تكون مفروشه بالصرفه ونملها يخموه بالقفه
لا تشوف جنه بي عينك و لا في العتبه تتعتب عشان عملك تملي كع
تسرق الجيب.... تسوي العيب... وانت حرامي ود الكلب
انت حرامي ودالكلب

من طرف اباذر كاليق السبت مارس 12, 2011 10:13 pm

بالمناسبة قالو سرقو يوم الوقفة وبكرة العيد علي حسب راوي القصة